Nas últimas horas detectouse a presenza de altos mandos da policía política de Guinea Ecuatorial no territorio nacional español. Fontes do goberno de Guinea Ecuatorial no exilio aseguran que os axentes de Obiang haberían establecido contacto con elementos profesionais dispostos a facer uso de calquera medio posto ao seu alcance a fin de desactivar a disidencia exterior ao réxime de Malabo.
Solicitude de extradición a Guinea Ecuatorial
O tirano Obiang Nguema solicitou, por escrito, ao Goberno de España, a extradición a Malabo do opositor Severo Moto a cambio de recibir á oposición no exilio e preparar un calendario para iniciar unha suposta transición democrática naquel país.
Esta promesa buscaría o silencio cómplice dunha parte dos exiliados, crear a súa división e alentar a idea de sacrificar a Severo Moto a cambio de beneficios persoais. Non haberá transición á democracia en Guinea Ecuatorial con Obiang Nguema de árbitro. É, sinxelamente, imposible.
A situación de detención de Severo Moto é cada día máis irregular, inxusta e insólita nun país democrático. O cárcere faise cada día que pasa máis inexplicable para todo aquel que pregunta a que están esperando para poñelo en liberdade. O trato inhumano e inxusto que está recibindo responde, en exclusiva, á chantaxe que Obiang mantén ás autoridades españolas.
Obiang visitará España en Xuño
O colmo do despropósito é a intención que ten a ditador de Guinea Ecuatorial de asistir á Expo de Zaragoza o próximo mes de Xuño e para iso quere crear un ambiente de crispación e medo no seo da oposición ao réxime ao tempo que confunde aos medios de comunicación, moitos deles subvencionados co diñeiro do petróleo guineano.
O Goberno de Guinea Ecuatorial no exilio solicita ao de España que non permitan o orgullo dun dos peores ditadores do planeta. Que España non caia na tentación cómplice de permitirlle gozar dos honores e a representatividade que non ten e moito menos dos dereitos que nega de maneira cruel, violenta e sistemática a todos os súbditos da súa República desde fai case 30 anos.
